Eis vodä sibä Wältwunder isch sGreat Barrier Reef und döt simer am Mäntig go schnorchlä und sogar tauchä. Eifach fantastisch diä Formä und Farbä...! sHät au viel verschiedeni Fisch und ufm introduction dive hämer ä grossi Schildkrot chönä ganz noch beobachtä. Super Erläbnis gsi! Am Mittwuch isch min Flug nach Sydeny gsi und vo döt us häni am Dunstig dBlue Mountains bsuächt. Sit äm Afang vo däm halbe Jahr hani mir überleit obi söll oder nid, aber am Fritig häts dänn keis Zrugg meh gäh und ich bi bi 14'000 ft usm Flugi jumpät! ;-) 1 Minutä freiä Fall isch eifach dä Hammer gsi!!! Vom Tauchä hani ä Entzündig im linke Ohr becho und glichzytig ä Vercheltig igfangä. So hani min Flug nach Bangkok mössä um zwei Täg verschiäbä. Min Samstig und Sunntig hani im Bett verbracht, dassi am Mäntig han chönä flügä. Nach eim Erholigstag in Bangkok hani mini letschtä zwei Flüg in Agriff gnah und bin am 16. März 2011 wohl behalte dihei acho. ;-)
Keine Kommentare:
Kommentar veröffentlichen