Joëlle Flückiger: First Aussie week

Am Sunntig morgä sind mir frühä vom OZExperience Bus abgholt wordä. Die ursprünglich Tour wo ich buächt han isch abgseit wordä, da mir nur 3 Teilnähmer gsi wäräd. So sind mir anstatt mit Adventuretours mit OZExperience unterwägs gsi. Da isch än hop on, hop off Bus wo viel jungi Reisendi benutzed zum durs Land reisä. Die erscht Destination isch Spot-X Surf Camp gsi wo mir am Mäntig morgä Lektionä gha händ. Isch ä geniali Erfahrig gsi, hans 4 Mal gschafft zum stah. ;-) Dänn sind mir wiiter nach Byron Bay gfahrä, wo ich mich mit 2 Kollege troffe han, woni zNeuseeland idä Schuäl kännäglernt han. Mir händ än super lässigä Tag zämä zNimbim und um Byron Bay erläbt. Am Mittwuch is wiiter gangä nach Rainbow Beach. Vo döt us händ mir ä wunderschöni 2-Tagestour uf dä Fraser Island gmacht. Im Dorf 1770 sind mir am Samstig Namittag chli am Strand glägä und sind am Sunntig bis nach Kroombit is Landes Innere greist. Döt hämer ufärä Farm glärnt wiämä ä richtigs Cowgirl oder äbä Cowboy isch. ;-) Mir händ mit Ross Geissä zämä tribä, mitm Lasso gfangä und spöter Rodeo grittä und Peitschä chlöpfä lah. Isch sehr lässig gsi!