Joëlle Flückiger: Second Aussie week

Nachmä zweitä Tag als Cowgirl uf dä Kroombit Cattle Station simer wiiter nach Airlie Beach gfahrä. Üsn zweitägigä Sägel Trip uf dä Whitesundays isch genial gsi! sSchnorchle döt isch wunderschön gsi, nur häts nid so welä windä und drum sind mir mehrheitlich mitm Motor gfahrä. Am Fritig hämer uf dä Magnetic Island äs Autöli gmiätät und sind uf dä Inslä umägflitzt. Mir händ sogar än Quala gseh womer dur dä Wald gloffä sind!!! Ufm Wäg zu üsärä Endstation Cairns händ mir ä Tagestour zum Cape Tribulation buächät. Mir sind am Suntig morgä vom Jungle-Tour-Bus abgholt wordä und sind zerscht inän Wildtierpark wo mir dMöglichkeit gha händ zum än Quala hebä. Mega herzig und kuschelig gsi... Dänn simer in Rägäwald bim Mossman River uf Erkundigstour und durch und durch nass zrugg cho. :-) Uf dä Daintree River Cruise händ mir vier Krokodil gsichtät. Die letscht Station isch dä Cape Tribulation Beach gsi.