Joëlle Flückiger: Fourth week travelling in New Zealand

Äs isch eifach fantastisch gsi, dass mir so schöns Wätter über Wiehnachte händ dörfä gnüssä. Wo mir am 27. Dezember 2010 zTakaka verwachet sind, häts afange rägnä und äs hät diversi Überschwämmige gäh zNeuseeland. Nachdem mir dKüste bim Farewell Spit bsuecht händ, sind mir am 28. richtig Westport adä Westküste gfahre. Jedoch händ mir zMurchison 5h mössä wartä, da dStrassä überfluetet gsi sind. Schlussendlich händ mir direkt mössä nach Greymouth fahre. Vo det us händ mir am 29. dPanecake Rocks, dä Franz Josef und dä Fox Glacier besichtigät und händ dNacht ufmä DOC-Campingplatz bim Lake Paringa verbracht. Wanaka isch üsäs nägste Ziel gsi, det sind mir vonerä riese Touristemasse überrascht worde. Da isch jedoch no nüt gsi gegenüber Queenstown wo mir Silvester erläbt händ. dStimmig im Hafe vo Queenstown isch aber genial gsi! Mir händ mit unendlich viel Lüüt us aller Wält dä Jahreswächsel gfiiret. Jetzt freued mir üs mega uf dä Overnight Trip im Doubtful Sound wo mir vom 6. uf dä 7. Januar 2011 händ chöne bueche. Da no 5 Täg bis det hi übrig sind, händ mir üs uf dä Wäg gmacht zum zerscht dKüste ganz im Süde entdecke. Hüt started mir ab Invercargill.