Arrival in Sydney

zKaoh Lak händ mir änärä traumhaftä Schnorcheltour zudä Similan Insle teilgnoh. Am Zistig sind mir dänn mitm Bus bereits richtig Nordä nach Ranong gfahrä. Diä Sachä wo a dänä Thaimärkt abotä wärdäd, lösäd scho immer chli gmischti Gfühl us... :-) Vo Ranong us händ mir än Nachtbus nach Bangkok buächät. Döt sind mir am Dunstig nochli i därä riesigä, mit Abgas gfülltä Stadt umägstriälät, bevor min Flug via Kuala Lumpur nach Sydney gflogä isch. dAbigstimmig im Flüger isch gewaltig gsi. dSunnä isch i verschiede lüchtändä rot Tön untergangä und idä Wulchätürm näbäd äm Flüger häts immer wieder ziemlich blitzt. Am Morgä woni verwachät bin, isch däfür grad strahlends Winterferiägfühl usm Fänsterli entgegä cho. Diä Wulchäfälder händ usgseh wiä Pulverschnee, han grad Luscht gha zum usä go boardä... :-) Hüt hani än lässigä Tag zSydney erläbt und morn gaht Tour los durs Queensland. sChan fascht ganz wiä planät durägführt wärdä, nur zwei Ort chönd wäg dä Wätterkatastrophene nid bereist wärdä. Bin sehr gspannt!

snorkeling around the Similan island

sooo nice...

thaimarket in Ranong

wild animal in the middle of Bangkok

Opera House Sydney

Harbour Bridge

Bondi Beach

Second week in Thailand

Vo Koh Phi Phi sind mir am Mäntig nach Koh Lanta gfahrä und händ döt 3 wunderschöni Täg erläbt. Am Zistig händ mir dInslä mit Roller erkundät und händ üs aschlüssänd än relaxing Tag gönnt.  zKrabi händ mir am Dunnstig 1'237 Stägätritt bim Tiger Cave Temple erklummä... :-) Nachdäm mir am Fritig zKoh Yao Noi acho sind und churz am Beach entspannt händ, sind mir um die ganz Inslä gloffä. Am zweitä Tag sind mir mit Velos zum Strand Hat Lo Pa Red uf Koh Yoa Yai gradlät. sIsch so heiss gsi, aber u schön zum dur diä Thaidörfli fahrä und än schönä Strand entdeckä. Mir händs richtig gnossä, da diä zwei Inslä nonig mit Touristä überfluätät sind. Am Sunntig sind mir mit Schiff und Auto wiiter nach Kaoh Lak greist. Leider blibäd nur no 4 Täg in Thailand... Mir gfallts da sehr! Diä Lüüt sind so fröhlich und zfridä, sisch u spannend diä Kultur kännäzlernä. sHät aber au viel Ort wo sLäbä vodä Iheimischä fascht nur no vom Tourismus bestimmt isch und döt sind dLüüt au chli andersch. sWär so kuul, wänn mir ihri Sproch chöntäd.

Koh Lanta

honey moon house ... :-)

our favorite beach bar

by the Tiger Cave Temple in Krabi

Koh Yao Noi

petrol station

Koh Yao Yai - Hat Lo Pa Red

First week in Thailand

Üsi Zyt zThailand hät im Norde zChiang Mai gstartät. Diä Stadt isch sehr lebändig. Wämä dur dStrassä lauft begägnät mä diversä Grüch und immer wieder gewaltignä Tämpel. sHät sehr viel Töff und Roller da und au viel Autos und TukTuk’s (3-rädrigi Taxis). dLuft isch dur diä vielä Abgasä rächt dick idä Stadt. Jedä Tag findät dä Night Bazar statt wo X Ständ dStrasse umramed, natürli hani det au so dies und jenes mössä poste.. :-) sHät so viel schönä Schmuck und alles isch im Verhältnis zu üs soo gnünstig. Mir händ ä Tagestour nach Chiang Rai buechet und händ dä mega idrücklich White Temple besichtigät, dGrenze zu Burma bsuächt und sind mitmä Schiff bim Golden Triangle (wo Burma, Laos und Thailand zämä chömäd) für än churze Ufenthalt nach Laos gfahre. Uf dä Fahrt ganz in Nordä hät mä immer wieder Arbeiter uf Riisfälder gseh schaffä. Üsi zweitägig Jungel-Tour im Huai Nam Dang Nationalpark hät mir mega gfalle! sIsch zerscht mitm Auto am Mokfa Wasserfall und dänn paar Stund zFuäss dur dä Jungel bi Karen-Dörfer verbi gange. sGit im Norde vo Thailand immer no richtigi wildi Stämm, wo sich sälber versorgäd. Sie händ zwar Töff und mit dänä fahräd sie ab und zuä quär dur dä Jungel id Stadt, aber suscht läbäd sie natur pur. Sehr spannend gsi zum ei Nacht i some Dorf übernachte. Dä zweit Tag isch no besser gsi! Mir sind mit Elefante ei Stund dä Fluss durab grittä und aschlüssend mit Bambus Floss über zwei Stund bis a üses Ziel gströmt. Nach däm super schönä und spannende Ufenthalt im Nordä sind mir am Fritig in Südä gflogä, händ ei Nacht zPhuket verbracht und sind am Samstig mit dä Fähri nach Ko Phi Phi. Da sind mir mitärä Bootstour rund um dInslene gfahre. Eifach sooooo schön da...

Bangkok train station

train, which has broken down at half way...

Chiang Mai

Chiang Mai

Night Bazar

White Temple

Akha Tribe

on the boat to Laos

just take it easy! :-)

Mokfa watherfall

Huai Nam Dang Nat. Park

Karen village

kitchen in our accomodation

Bamboo rafiting

Koh Phi Phi

Koh Mai Pai

The Beach (film location)